22/11/13

22/11/13   FRI   COOL

今朝要做服務生, 又係一早返咗去啦, 叫佢唔好跑就當耳邊風, 跑到一頭汗先入學校, 真係比佢激死! 跟住咪如常咁返工買早餐囉! 朝早都係做吓自己嘢咁啦, 冇咩特別! 午飯又要出去買, 平平地食麥當勞啦, 下午老細返咗陣, 不過都係做吓自己嘢又做吓公事咁啦! 放工返到去好忙啦, 馬上同笨元做功課, 不過佢本身已經攰, 加上奶奶又話出去食, 所以都未做哂就要出去, 為咗慳時間, 我要佢帶埋功課出去等嘢食時做, 都好叫做做咗中文抄寫, 食完就去小童群益會合唱團啦, 今晚敏瑩都去, 我地同程生吹咗陣水就去屈臣氏買入院嘢, 買完返去又再吹吓水啦, 後來見到冰miss又再講吓升小嗰D啦, 佢地出嚟後都返屋企啦, 因為明天學校旅行嘛! 返去都冇要佢做埋D功課啦, 快手瞓覺好過, 我地都要係咁二執吓嘢架嘛, 十一點幾都瞓啦!