19/11/13

19/11/13   TUE   COOL

今朝又要產檢, 又公立又私家! 朝早揍咗笨元返學先, 跟住我地兩個就去食番個早餐先再去PMH, 其實今日做B鏈, 好快GE! 不過排隊就排咗好耐囉, 首先壞咗一部LIFT, 已經遲遲地, 加埋排咗兩個圈, 所以都係決定行上去, 都真係幾顛吓, 你話好辛苦又唔算GE! 上到去又排登記, 排咗幾個字先有個嬸嬸叫驗B鏈嗰D排另一條隊, 咁就即刻有得驗啦! 雖則個護士都串串地, 又粗魯, 但公立就係咁架啦! 搞掂閃得, 返屋企老公攞番個電話先, 再撘巴士去法國睇尤醫生! 去到都等咗半個鐘, 又係血壓唔過關囉, 不過佢知公立有睇緊, 都係提醒我自己要喺屋企量住架啦! 照咗各樣都係正常, 咁係最好的答案啦, 跟住又話呢個都唔會足40周, 應該38-39周生得, 而家蕃薯粒5磅左右, 到生嗰時應該6磅多D! 睇完都係12點幾啫, 行去九龍城食lunch, 陪老公去睇吓鞋就撘巴士返工啦, 老公就返青衣! 返到公司都係好忙囉, 公又忙私又忙啦! 臨放工收到程生whatapps張相嚟, 原來係敏瑩同笨元食緊燒賣喎! 佢地仲去咗睇樓, 啱啱附件有樓盤睇嘛, 我行到過去會合見到佢地啦, 兩小無猜咁真係頂佢地唔順! 除咗星期日真係日日見咁滯啦, 洗唔洗咁痴纏! 我地去咗食客家嘢啦, 不過笨元已經用哂佢D電, 食到一半已經自動關機, 都由得佢囉! 我地食完咪齊齊撘的士返去囉, 笨元真係唔起身就唔起身, 抱到老公手都軟! 返到屋企我地沖哂涼笨元都未醒, 都要捉佢起身沖涼睇埋功課溫埋書, 咁就一齊睇台慶囉! 唔算好好睇啦, 10點捉笨元去瞓, 佢hea 到10點半先肯瞓囉! 我地都攰啦, 11點多就瞓, 老公之前就係咁玩新嘢, 整松記嗰隻雪山, 玩完個廚房又唔執, 最唔好呢樣, 成日話會洗會洗, 估到佢係想放喺到等個阿媽明天過嚟煮飯時咪局住幫佢洗囉, 正衰仔!

<chok-ing>

 <兩小無猜掃街....>

 <估吓佢地做咩?>

 <玩緊木頭公仔呀!>

 <要玩跳起影嗰D相....玩我啫!>

 <攰到食咗一半就咁瞓咗!>