17/11/13

17/11/13   SUN   COOL

叫咗笨元要做起哂D珠心算先可以去詠彤生日會架, 佢係一早起咗身, 但又話唔識做, 最終到我地九點幾身佢先至做, 嗰幾十題做足個幾鐘, 中途有早餐食佢又即刻話食咗先啦, 之後再做埋都已經十一點幾, 我地仲要出去圖書館同超市, 真係超忙呀! 買完返得嚟已經十二點幾, 換過D嘢又要出門口去詠彤生日會, 過到去都點幾, 不過都係食住玩, 搵番自己熟嗰班家長坐啦, 我地有我地吹, 佢地有佢地周圍玩, 老公就玩程小B啦, 叫埋嘢食咁啦, 麥當勞玩嚟玩去都係嗰D GAME架啦, 咁大家有講有笑的都OK, 不過笨元就為咗玩食都唔多食, 可能加上食咗藥水胃口冇咁好啦, 都冇咩食嘢! 照樣地玩完遊戲食埋蛋糕都可以散水架啦, 我地又吹一輪水先囉, 程生載番我地返去, 笨元扭眼瞓想唔做珠心算架, 但邊有可能呀, 最終咪又係要做! 我就叫老公搬吓嘢, 執好D膠箱, 移好哂D嘢架啦, 只久執埋蕃薯粒D衫落衣櫃就得啦! 但因為實在太攰啦, 我真係腰痛到爆! 等老公瞓到7點叫佢起身整晚餐, 簡單D烚烚吓算, 之後要笨元快手沖涼呀等等都好難咁, 真係唔明D細路點解做D日常嘢就咁慢板! 睇完掌門人要佢即瞓架啦, 佢都係慢, 咪又比Daddy囉! 我都好攰啦, 除咗喉嚨痛個人仲好似作作地感冒, 但又唔食得藥, 只有飲接骨木花汁囉! 而家晚上瞓得勁衰, 轉一次身就醒一次咁滯, 又實要去一次廁所, 點夠抵抗力呢, 唉…!

<玩遊戲唔比人同敏瑩一組, 霸道得佢呢!>

 

 <等切蛋糕...>

 <終於有得影相啦!>