13/11/13

13/11/13   WED   COOL

今朝如常咁揍笨返學啦, 唔洗做服務生悠閒D唔洗趕返學! 之後吹吓水又返工啦, 咁啱程生兩公婆請咗假, 順路車埋我出嚟, 真好! 買埋早餐返公司, 朝早都係做吓自己嘢啦, 午飯出咗去食D應酬飯, 可能真係背脊骨落, 所以返嚟嘔番七成出嚟! 本來餐飯都冇咩GE, 都係雜誌嗰到請客戶食吓飯拉吓客咁, 但同埋另一個一齊食嘛, 點會唔嘔番出嚟! 下午老細喺到一陣咁大把啦, 不過我都要慢慢做埋商會嗰邊D嘢, 其實都幾忙吓! 做到夠鐘放工就走人啦, 返到去又要捉笨元沖涼溫書, 執吓屋洗埋蕃薯粒D衫咁, 嗰種攰法都幾係嘢! 今晚大包上嚟食, 奶奶就整咗打邊爐, 可以邊食邊等嘛, 不過對我嚟講可能真係太肥膩, 但食多咗又唔覺喎, 都漲漲地! 之後都係睇吓電視咁, 笨元呢隻刷鞋精, 對住姑姐呢個玩具供應商, 真係咩說話都講得出, 我聽到都有D眼突…可以話日日都掛住佢, 係佢先講得出! 又分嘢食比姑姐! 玩到九點幾肯自動執嘢, 係換睡衣時扭拎D囉! 都十點前瞓咗, 佢有得瞓我地就做埋佢D功課手尾啦! 跟住收到老細個whatapps, 係有份CV咁ge物體, 應該係總監之前成日想請的marketing, 但睇條友份CV, 真係可以連我個位都取代埋架喎, 之後同老公傾吓囉, 搞到我又有壓力瞓得唔好啦! 不過都冇得驚架啦, 煮到埋嚟就食啦!