12/11/13

12/11/13   TUE   COOL

今日真係凍咗好多, 著長袖仲要著褸! 朝早如常咁起身返學啦, 返去都係吹咗陣水咁啦, 巴士走哂返得公司都有D晏! 朝早都係做自己嘢, 但老細十一點幾就返咗嚟, 原來D高層開會喎, 搞到我地食飯都要喺自己嗰邊食, 廢事見到佢地呀, 一樣可以喺電腦睇劇, 冇所謂啦! 我冇帶飯就試咗新嗰間PIZZA, 都幾好味喎, 要埋嘢飲$40都可以啦! 下午本來上半段時間都OK, 但之後佢地過咗嚟講嘢就好嘈囉, 都唔知自己講嘢大聲ge, 不過佢今日心情都幾好, 係總監呢, 講嘢唔係好經大腦囉, 可能佢真係好想炒哂我地, 只係未炒得郁啫! 放工返去前先借書, 因為星期五要返學校講故事嘛, 笨元又冇書睇呢! 返去沖完涼同笨元溫書, 不過未溫完就食飯, 所以食完飯要再溫埋, 執好嘢先可以玩, 老公又同佢一齊搞嗰個校咩設計咁啦, 到九點半叫咗佢十聲都仲未肯去洗茶點袋, 成日話叫我幫佢洗, 但我開始要佢自己負責番, 又唔係冇時間, 於是就話一係你自己洗, 一係你唔好洗明天照返學, 咁先去洗咋! 講埋故事瞓覺, 我就執緊蕃薯粒D嘢, 自問咁有組織能力都有D頭大, 因為太多嘢之餘D嘢涉及的年期比較長, 笨元嗰時係一路大一路買, 而家就去到3歲D嘢都已經有, 真係要組織好嚟放, 唔係到時都唔知點搵番出嚟! 執到十點幾, 都冇力再摺衫啦, 睇埋新埋就瞓覺, 好攰了!