2/11/13

2/11/13   SAT   WARM

今日笨元又係節目豐富的一天, 早過我出門口就去學畫畫啦, 我就慢慢起身買埋早餐返去諗住嘆完先開始要做嘢, 點知9:25返到去深哥已經上咗嚟, 咁冇得嘆啦快手食完做嘢囉! 之後都係hea住等收工啦, 都係同佢地兩父子食個lunch, 老公就帶笨元去踢波, 我就返屋企休息! 去百佳買吓嘢就返去, 都冇咩做到D咩, 只係摺咗衫咋, 執吓間屋囉, 因為諗住明天搬衣櫃同換櫃, 所以抺咗地都冇用! 到4點左右就準備出門口, 要去BBQ呀, 山長水遠去老細屋企, 又冇得唔去咁! 出到橋底撘98C, 估唔到真係撘足個半鐘, 坐到pat pat都痛, 剛好6點去到坑口, 老公仲早過我到, 老細剛好嚟埋載我地嘛, 入到去都係等食架啦, 悶就實有D架啦, 好在有電爐囉, 嗰兩個炭爐真係唔多掂, 透嗰D人又唔掂啦, 之後都有人燒埋囉, 咁冇需要自己動手啦, 坐喺到食之外只係燒咗少少腸呀丸呀咁啦, 仲有綿花糖咁囉! 笨元都係負責食都搞事啦, 佢地又成日放隻狗出嚟嚇人, 唔好心地囉! 到落咗陣雨我都冇再燒, 入咗去坐陪笨元, 廢事佢做衰嘢! 之後其實已經勁想走架啦, 悶嘛! 老細喺出面係咁飲酒, 都顛顛地架! 等到九點多終於有人提出話走, 梗係跟住閃啦, 只係車到我地出去番坑口, 不過都算快返到屋企架啦, 馬上沖涼啦咁鬼BBQ味, 然後比笨元玩咗陣就瞓覺啦, 冇咩電視睇, 所以都早D瞓啦, 因為明早買咗早場睇THOR!

<BBQ完終於返到嚟!>

 <足球隊派咗波衫, 有埋名架!>