今日真係好凍好凍, 柏仲4點多叫食, 都係交比老公架啦, 因為朝早我就要叫笨元起身等等, 佢地返咗學返咗工我就泵奶食早餐, 3個鐘好快過又要餵柏仲, 之後咪寫吓日記咁囉, 今日阿媽過嚟照顧我, 食咗午餐就準備同柏仲沖涼, 老公買咗飯盒返嚟食, 佢真係返嚟hea吓架咋, 都冇咩幫過手架! 阿媽幫柏仲沖好涼又餵奶啦, 之後佢出咗去買雞返嚟今晚煮, 本來諗住呢餐之後可以抖吓, 點知隻蕃薯回奶, 都吐咗幾多出嚟, 我要洗過哂D被, 又冇得休息! 奶奶揍咗笨元放學返嚟, 同佢沖咗涼就返去啦, 我就搞掂笨元D功課, 沖個涼先, 再收拾好明天返學D嘢就比佢自由活動, 等阿媽返嚟煮埋飯食, 我真係開始好攰啦, 笨元都好乖咁自己玩冇打擾我, 到九點半我就搞掂笨元瞓覺, 一路瞓到老公返嚟都唔知, 不過最終都要起身泵多次奶, 老公就餵埋柏仲先瞓呢!
沒有留言:
張貼留言