今朝蕃薯5點就叫食, 因為琴晚點幾食過咋嘛, 我見我都醒醒地, 等老公換好衫熱好奶就我餵, 然後順手泵埋奶叫笨元起身返學囉, 仲煮咗個豐富早餐比佢食添, 佢地出哂門口我就做吓家務先, 摺哂D衫咁, 又要餵蕃薯粒啦, 跟住又泵奶, 不過今次個量少好多, 可能隔得密咗! 10點幾奶奶過咗嚟, 咁我都係做吓自己嘢先, 午飯都係簡單地食吓咋, 下午都係咁上吓啦, 泵吓奶又餵吓咁, 話忙又唔係但好似總係有嘢要做咁囉, 小睡吓笨元佢地又返嚟啦, 星期五勁忙功課, 好在有精神同佢做功課, 食完晚飯老公就帶佢出去合唱團, 我自己喺屋企都好, 反正蕃薯粒又瞓咗, 我就搞掂哂笨元功課D手尾, 咁唔洗心掛掛嘛! 回來白白完睇陣電視要佢瞓啦,
我地又係要餵咗12點幾嗰餐先啦, 而家盡量呢餐餵飽D睇吓可唔可以頂到五六點先再食咁大家都舒服D!
沒有留言:
張貼留言