今日又回復平靜的一天啦, 朝早諗住試吓埋身餵柏仲啦, 點知佢可能太餵嫌埋身唔夠快, 得個喊字唔啜, 正衰仔, 搞到我又要泵過! 老公照樣揍笨元返學啦, 返埋今日就開始放聖誕假, 放完聖誕假我都坐完月, 可以揍笨元返學, 不過落要泵奶就一定要6:30就起身泵咗奶先可以趕得切出門口! 餵好柏仲泵好奶就可以煮早餐食, 食完已經又夠鐘餵佢, 3個鐘真係好唔夠用, 餵咗佢終於可以抖一抖, 不久奶奶嚟咗, 有佢煮午飯同沖涼, 我又做少D啦, 食埋午飯我就瞓覺啦, 瞓到4點幾柏仲準時叫食啦, 餵咗佢一陣笨元就返啦, 等佢沖咗涼我泵埋奶就陪佢一陣又開飯啦, 食完飯都係hea吓, 老公又話攰所以早早瞓咗先, 我因為要泵晚上嗰轉, 本來諗住蕃薯11點先再食, 咁我10點幾泵應該夠時間, 點知條友咁快叫食搞到我泵到一半半, 都係要叫老公起身餵咗先再瞓, 好準時咁3點多又叫食, 呢餐老公搞掂!
沒有留言:
張貼留言