14/5/14

14/5/14   WED   HOT**

今朝如常咁起身焗個包午飯食, 因為琴晚嗰個比笨元食咗! 都準時出到門口啦, 今日班41A又遲咗呢, 返到去都排得後, 好在我都趕到巴士! 買埋早餐返到去, 都係冇咩做啦, 諗吓今晚整咩餸咁, 原來買餸都唔易! 諗諗吓又到食晏啦, 食完hea吓又開工, 不過老細們全部冇返, hea爆, 於是同笨元搞埋個書簿津貼, 份表都幾難填, 不過為咗千幾蚊, 都要填架啦! 放工就去買餸啦, 買兩日餸都幾重手呀, 同埋而家D餸都唔平! 返去第一時間開始煮飯, 但又要同笨元沖咗涼先, 柏仲冇法啦, 唔得閒理住! 煮起餐飯7點幾, 阿媽都有幫手開飯, 食埋洗埋碗沖咗涼先比奶奶走, 咁我可以沖得安心D! 沖好涼後又要幫笨元溫習睇功課, 老公終於都放工返嚟, 同笨元玩咗陣先沖涼, 柏仲就9點多瞓咗, K.O.埋笨元就可以休息, 睇完聽見你的聲音就餵奶, 嗰時先發現柏仲套衫好似同琴日一樣, 莫非今日阿媽冇同佢沖涼, 都探究唔到, 亦唔想咁夜幫佢沖, 唯有做一晚臭豬, 5分鐘唔洗飲哂支奶又瞓番, 不過到4點幾開始發夢醒咗唔肯瞓番, 我比佢玩死咗!