9/5/14

9/5/14   FRI   RAIN

今日真係好大雨, 柏仲5點幾喊咗陣, 噯佢時佢啜到我隻手, 啜咗陣就瞓番, 笨元就4點幾時入嚟話佢張被亂咗, 真係唔知要幾時我先可以安樂瞓覺! 今朝覺得柏仲咳多咗, 睇怕都要睇醫生架啦! 揍笨元返學後都唔算太大雨, 買埋早餐返到公司就hea吓啦, 老細朝早返嚟, 好在只係喺樓下簽咗嘢就走! 咁感覺上今日都可以好free啦! 午飯後睇吓電視咁啦, 下午大老闆娘返咗嚟, 不過佢都係hea吓等個新抱嚟接番佢! 我咪上吓網無聊吓咁囉, 預咗早少少走, 因為要趕住同柏仲去睇醫生, 天雨關係撘小巴有著數, 用咗半個鐘就過到法國, 唔係好洗等就有得睇啦, 葉醫生都怕柏仲同子元一樣條氣唔好, 所以聽氣管時都好仔細, 話佢條氣都有少少緊, 所以開咗氣管藥, 跟住我講埋柏仲琴晚有少少燒, 葉醫生話咳咳吓有燒唔係咁好, 都係開埋抗生素, 最終嚟咗個全餐, 咳藥收鼻水化痰退燒抗生素噴鼻滴鼻, 五百幾蚊咋喎! 攞埋藥追到架42, 喺巴士可以休息吓! 7點幾去去小童群益會, 睇吓佢地練習, 子元比老師話唔夠專心, 不過整體嚟係唱得好好! 等埋程太嚟到就可以去晚飯, 勁餓呀因為已經8點幾9點啦, 近近地去咗板板到食咋! 食到差不多10點先回家, 返到去仲要沖涼, 餵柏仲食藥等等, 好在我地兩個都合作無間, 笨元11點已上床瞓, 柏仲食咗藥沖好涼亦都瞓咗, 咁我地就到12點先叫醒佢食一食奶再瞓!