1/5/14

1/5/14   THU   WARM

今日勞動節假期, 我們當然選擇躲在家中, 這些日子出街是搵自己笨! 朝早8點幾都要起身, 隻粒叫食, 餵咗猴棗睇吓有冇用啦, 跟住先再食奶, 由於要買嘢, 就出去食早餐啦, 食完去惠康買完返屋企, 不過期間喺街因為笨元發脾氣, 教訓完佢我仲火緊, 我又覺得事件起因都關老公成日激笨元事, 於是咪嘈囉, 雖則最後都冇事, 但佢好似講極都唔明自己個問題, 成日話我發脾氣就走咗去! 我同笨元去借埋書先返去, 又要同柏仲沖涼食奶, 笨元玩咗陣就要佢做功課! 我就勁攰囉, 所以柏仲瞓冧咗我都入咗房一齊瞓, 勁頭痛呀, 瞓咗都係痛, 好過瞓都唔瞓啦, 都冇咩好做! 柏仲醒咗就抱佢落大床玩陣, 佢瞓住我地D大枕頭時, 可以自己轉到身啦, 我當我係第一個見到佢傳身架啦! 之後玩到唔願玩啦, 就抱佢出去準備食奶囉, 食完就唔多瞓啦, 晚飯老公煮咖哩, 煮咗勁耐先有得食, 餓死我啦! 晚飯後沖涼, 到咁上吓打暈笨元, 柏仲就11點食埋奶就再瞓, 明天都要睇醫生架啦!