10/6/15

10/6/15   WED   VERY HOT

今日開始老公又要努力搵嘢做了, 所以我朝早都係要送柏仲入青衣! 揍咗佢入去我就返工啦, 交低咗D工作比老公做架, 但佢只係做咗買紙巾呢項, 兩張床單都未換! 中午時無聊閒遊BK時見到有人話喺青衣城見有醫護人員著咗防護醫物, 小心為上咪whatsapps哂佢地幾個, 好在老公馬上打比嫲嫲, 問佢後真係出咗去, 仲要剛去到青衣城停車場, 於是叫佢地轉場囉! 之後都睇到新聞話疑似個案, 唔理咁多都嚇餐死啦, 唉…香港人經歷過sars係會驚D架啦! 下午又要開會, 好在都係開到4點多, 之後邊做自己嘢邊做公事啦! 放工就去買餸返屋企啦, 老公已經揍咗柏仲返嚟, 咁我地沖好涼煮飯, 食完都8點幾, 叫笨元做數學啦, K.O.咗柏仲, 同佢對卷後再教番佢, 佢份人真係好心急, 冇哂D程序! 終於搞掂佢就去瞓都九點幾十點! 可以睇埋電視, 老公就話要睇埋新聞先瞓呢!