8/6/15

8/6/15   MON   VERY HOT**

今日都係照常啦, 揍笨返學囉, 但醒唔起叫佢戴口罩, 佢嗰班好多人發燒, 但因為考試都比佢地照返, 有D過到門口量體溫嗰關, 有D過唔到就被打回頭! 搞掂就入嫲嫲到啦, 好好彩地一落去就有車, 順利入到去啦, 買早餐返工, 公司個冷氣又壞壞地, 真係好攞命, 雖則個個都有把風扇但都係焗架嘛! 今朝都係做自己嘢, 午飯買D凍D GE嘢食涼吓先, 下午就努力出英文卷! 原來都真係幾吃力, 要憑空諗嚟出! 出到放工嗰吓先出得完, 又要快手入去揍柏仲啦, 返出嚟仲要煮飯, 因為唔想出去食呢, 叫子元睇住柏仲, 差不多煮好老公先返, 食完飯叫子元去做卷啦, 預佢要做一個鐘架, 但佢半個鐘搞掂, 不過都係扣咗10分左右, 又係錯嗰D嘢, 唉…我都係唔睇好佢架啦! 柏仲撘車回來時已想瞓架啦, 不過返到去見到哥哥又醒番, 所以等我洗好碗抺好地就K.O.佢, 對埋笨元份卷就快手沖涼睇武則天呢, 之後都眼瞓囉!