15/6/15

15/6/15   MON   VERY HOT

又係如常返學的一天啦, 究竟有咩辦法可以令柏仲瞓晏D呢, 再係咁我真係顛架啦! 揍咗子元, 柏仲交比老公啦, 佢揍柏仲入青衣啦, 我就食個早餐再返工! 今朝都唔算好忙, 所以都係做吓自己嘢啦, 午飯今日食艐, 係程生媽媽包架, OK喎幾好食, 早知攞多隻啦! 之後睇吓新劇, 但都幾複雜, 好用腦! 下午老細返咗嚟, 要做嘢啦好忙咁走來走去, 好在佢都好早就走! 自由完就放工了, 阿媽揍咗子元過嚟公司, 咁我就趕得切買埋餸先返屋企, 因為老公6:30就要出門口又去踢波, 咁我返到去要快手沖咗個涼先, 咁煮飯時佢地喺出面打架都仲可以馬上stop佢地, 結果真係有一吓係咁, 又爭嘢玩, 令我又顛咗咁大叫, 佢地就識得停, 而家柏仲都衰架啦, 知我走埋去中佢佢就馬上避, 醒到呀! 7點幾煮好飯食, 笨元今日好欣賞, 我都覺自己今日煮得好, 唔用醬料只用天然調味! 食完洗好碗抺好地執吓屋原來都差不多9點, 仲要睇埋子元D試卷, 但柏仲又搞搞震, 我唯有揹住佢做, K.O.咗柏仲後終於可以睇一睇子元D嘢, 明天常識科外出荔枝角公園, 又要佢執齊嘢! 佢地瞓哂我可以睇電視啦, 不過11點幾都攰, 瞓先冇等老公返嚟啦, 因為明天肯定又晨早比柏仲嘈醒!