17/6/15

17/6/15   WED   VERY HOT

今日笨元唔洗返學, 但柏仲依然6點就起身, 比我趕番落床仔好多次, 趕到7點我都冇力趕, 由佢打佢daddy! 不過起身後佢係咁搞搞震, 我片佢後佢竟然又唔理我唔啋我喎, 可惡! 咁夠鐘我返工啦, 老公等嫲嫲出嚟, 自己煮早餐咁啦! 返到公司都忙呀, 因為朝早開會, 老細又返咗嚟喎, 廁所都唔得閒去, 開完會叫做閒番D, 做埋D手尾都差不多lunch! 食完睇吓電視咁啦, 諗住老細下午唔返架啦, 點知佢3點幾又死返嚟, 真係攞命, 仲要喺咁坐喺你面講嘢, 煩到你死! 坐咗大半個鐘先捨得走! 咁我地咪可以tea一tea囉, 放工閃人返屋企, 奶奶話佢煮飯, 咁柏仲又瞓咗, 我咪沖咗涼先, 之後同奶奶講大包件事, 其實講嚟講去都係嗰三幅被, 大包要比D信心人, kai哥亦可能比多少少時間佢囉! 7點幾老公同笨元踢完波返嚟啦, 柏仲都醒咗, 咁咪食飯囉, 飯後奶奶幫我洗埋碗, 因為子元冇做埋常識份嘢, 老公梗係冇幫佢做過啦, 個仔一句話做哂就信佢! 又要上網又要找資料, 咁叫做做好啦, 餵埋柏仲打暈埋佢, 叫子元執好嘢, 等我睇多陣電視就入房陪佢瞓啦!