22/6/15

22/6/15   MON   RAIN

今日時晴時雨, 朝早照揍咗子元上車就返屋企餵奶摺衫啦, 之後同老公去食咗早餐就返工, 朝早都係做吓自己嘢啦, 午飯要去買多少少嘢加料因為得隻艐, 食完嘢咪睇吓電視咁囉, 呢套劇要好專心先睇得掂! 下午老細返咗嚟, 好在有嘢喺手有得做吓, 但都唔頂得幾耐, 佢又吹水吹唔停咁, 可惡! 放工後直接返屋企, 子元冇去踢波啦, 但老公照有得去踢因為冇雷暴, 可惡! 咁返到去沖好涼食飯啦, 其實只係食粥, 但我真係唔夠, 等佢地瞓哂再食杯麵! 食完拖好地就陪佢地玩陣啦, 但柏仲真係唔掂, 玩玩具好暴力, 教佢又唔聽, 淨係顛跑跳衝! 8:30打暈仲仲, 可以同子元玩吓, 9:30打暈埋佢, 我就食住杯麵睇媚娘, 老公買咗糖水返嚟, 又食過, 10點幾就瞓啦!