2/6/15

2/6/15   TUE   HOT

今日都係如常咁揍仔啦, 不過撘42入去時, 架車去到葵芳時唔知做咩塞車喎! 搞到我9點先入到去! 買埋早餐返工啦, 都係做吓自己嘢囉, 冇咩特別嘢做, 午飯後就睇電視囉, 開工後就去咗埋買口罩, 老細話要入貨喎, 聽聞佢暑假去韓國, 麻煩佢自我隔離2星期! 食埋個tea就放工啦, 去揍笨元返屋企, 可以唔洗太急咁沖好涼, 睇一睇笨元功課, 再煮吓飯囉, 老公8點幾先返到嚟, 所以都好晏先食飯, 都冇咩同笨元溫書咁, 死啦…下星期考啦喎, 只係叫媽幫佢溫過, 都係唔放心! 洗好碗抺埋地都9點幾, 快手餵埋柏仲打暈埋佢, 就到子元啦! 等佢兩個瞓哂就可以自由吓, 睇吓暑假係咪真係去澳門, 不過明星未出8月價位, 都係睇定D先啦! 12點左右瞓啦, 基本上我11點多已經喺梳化瞓著咗架啦!