5/6/15

5/6/15   FRI   VERY HOT

今日柏仲比我瞓到鬧鐘響先爬上嚟, 算比面啦! 揍咗子元返學, 就返上去啦, 今日唔洗摺衫諗住可以早D出門口, 但竟然都走咗班車, 因為架車早咗, 咁唯有出去撘42A囉, 都快有車! 揍咗佢就返工啦, 今日主要都係出卷比子元囉, 要出常識卷原來都幾吃力, 因為又要睇用咩format又要諗, 朝早都未係好願做架, 又網上吹下水咁啦, 下午全力出卷! 放工就入青衣接柏仲, 再趕返出美孚接子元, 今日唔洗游水, 等人齊就去翠河食晚飯, 然後去咗萬寧入貨, 入得超開心呀, 因為滿載而歸, 又平又有嘢送咁! 回家後笨元又POPO等等, 總之佢地沖好涼餵好奶都9點半, 搞到我睇唔切第一part武則天, 最後睇埋新聞先瞓啦!