3/6/15

3/6/15   WED   HOT

今朝老公明明起咗身, 點知又走番入嚟, 話好攰唔想返, 我覺得佢係想陪柏仲去健康院就真, 咁佢想都由得佢啦, 射吓波咗邊個香港人未試過! 咁我照樣揍柏仲入青衣啦, 叫佢要做咩銀行呀郵局呀嗰D就做好佢先! 揍咗柏仲入去我就返工啦, 朝早都係做吓自己嘢, 老公差不多一點到, 叫佢去攞定位先, 簡單地食KFC咋, 食完就入青衣, 入到去柏仲仲食緊飯, 等佢食埋先落去健康院, 去到喺登記位已經見到平時撘車個姨姨, 仲比柏仲入去office到玩, 真係服咗佢! 等陣磅豬仔有10.86KG, 即係23磅左右, 不過不失啦! 跟住等見護士先等得耐, 柏仲冇咩呀, 咪巡場咁囉, 周圍行! 終於等到叫名啦, 仲諗住可以比護士長見添, 點知抽中個勁hea護士, 一開始問番我有咩問題想問, 跟住就係問柏仲食幾多餐固體&奶嗰D啦, 答完佢話固2餐, 奶3餐, 佢咪又係好照書直說咁, 話固要加多餐, 奶要減一餐, 又話叫唔好比佢食大人飯住, 要食飯仔! 總之就好鬼依書直說嗰隻, 再問佢識講咩字, 叫佢疊積木等等囉, 機械人咁講齊嘢比你聽, 你又冇咩問, 收工! 過咗陣就有得打針, 老公因為去咗攞藥, 快到想睇柏仲打針都睇唔切, 我話佢只係喊咗一聲咋, 不過支針好細支啫! 因為要等攞藥, 就同登記姨姨吹吓水, 交換埋電話! 買埋麥記上去食吓, 5點幾出門口去接埋笨元, 就去東京街森記食, 由於早咗, 又要等埋kai哥, 所以都7點幾先走, 又係打的返去, 沖好涼K.O.咗柏仲, 跟一跟子元功課, 都冇同佢再溫書, 因為佢喺媽到溫咗, 我唯有星期六日再同佢來個final啦! K.O.埋子元又自由啦!