12/6/15

12/6/15   FRI   VERY HOT

今日唔洗考試, 不過都係如常返學, 柏仲竟然我鬧鐘響先起身, 放假又唔見佢咁! 不過見我起身佢都係跟埋一齊, 咁叫到笨元起食梳洗食早餐出門口都晏, 食咗個包出門口啦, 都知佢食唔切架啦, 攞埋個袋比佢放番入去! 跟住返去餵咗仲仲食奶就摺埋衫, 叫醒埋老公出去食早餐先再返工! 收到程太個msg話雪印萬寧做買二送一, 為起$143/罐, 抵到咁好難唔買, 於是買咗一箱, 但比錢時找唔到張信用卡, 真係嚇到全身涼哂! 最終都喺個袋搵到, 應該前日惠康買完嘢冇於番好, 咁買好咗比咗錢就唔洗攞住, 放工先攞都得! 今日都冇咩忙啦, 做吓自己嘢咁, lunch又要買飯喎! 睇埋套大結果, 下午都係做吓自己嘢做吓公事咁啦, 諗定今晚煮咩啦, 放工約咗老公喺惠康等, 買好餸去萬寧提埋貨, 就去小童接佢地啦, 程生話子元上堂瞓鬼咗, 咁課後了解後, 初頭佢真係瞓咗, 咁Ms fan比佢瞓咗陣, 但之後就喺到扮瞓, 最後咪要比Ms Fan訓話囉, 都啱架! 帶咗佢地去泳池就返上樓煮飯啦, 兩個男人掛住睇阿Robe點玩, 由得兩隻細係到打, 我要煮飯都冇辦法理, 之後老公出咗去接佢地, 得番程生就更加啦, 柏仲成日嚟投訴婷婷好搞笑! 等佢地沖好涼程太又上到嚟就開飯, 今日試咗個麻油雞, 真係幾好食喎! 洗埋碗抺埋地都仲趕得切睇武則天, 不過睇到咁上吓又要沖埋涼先都係睇少咗一part!