1/6/15

1/6/15   MON   WARM

朝早如常揍子元校車啦, 返上去摺緊衫時, 柏仲又想辦大事, 捉佢喺廁所疴, 又疴到生仔咁, 不過今次叫做順利D, 始終喺塔去好D, 清潔都方便D! 今朝嫲嫲過嚟, 因為今日送新洗衣機來, 過到嚟就一齊去大快活食咗早餐先, 跟住我就要去銀行, 排得隊嚟都好晏, 所以撘地鐵過官塘幫公司攞嘢, 咁樣一來一回返得公司都11點幾, 做吓自己嘢又食晏, 午飯後做吓自己嘢又話開會, 不過都係廢話啫, 開完又自由啦! 放工去接笨元啦, 返到屋企仲仲喺到搗亂啦, 嫲嫲等我沖埋涼先走, 不過佢兩個喺到搗亂, 又要煮飯真係人都顛, 咁柏仲又爬上飯枱嘛, 子元捉咗佢落嚟後我就鬧囉, 好惡咁話: “陸柏仲你做咩呀, 返埋去梳化坐”, 跟住佢好淒涼咁低住頭行返去梳化, 你真係頂佢唔順咁好戲! 終於煮好飯啦, 但柏仲又係唔食得多, 又玩飯咁好乞人憎! 洗碗抺地後餵埋柏仲就瞓啦, 再要幫子元睇功課等等, 都冇再溫書, 唔知點好! 未夠10點可以出返去睇電視啦! 到11點幾我頂唔住瞓啦!