31/5/15

31/5/15   SUN   VERY HOT

今日除咗去送子元畫班出去食早餐外, 買埋餸, 返咗屋企就冇再出去了, 實在太熱了, 加上柏仲又鼻水流流, 麻煩! 返到屋企都知佢冇咁早瞓, 於是照煮咗飯仔先, 到11點幾12點終於攰啦, 噯佢一陣就瞓! 我終於可以休息吓, 不過要先出咗卷比子元做, 點幾二姑姐上咗嚟攞嘢, 比佢偷望吓柏仲, 點知臨走時柏仲醒咗, 不過我見佢個勢係仲想瞓, 於是照噯吓佢, 放番入房又瞓番, 可能比咗D傷風藥佢食係想瞓D! 到running man開場時就醒啦, 於是咪餵佢食飯囉, 慢慢先醒, 食完由得佢玩吓, 老公帶笨元踢埋波回來都四點幾啦, 等佢沖好涼食D嘢休息吓就溫書, 今日冇嘢分心咪快手囉, 跟住我要襯老公出去前預備哂煮飯D嘢, 沖埋涼先, 到7點幾先餵咗柏仲食飯, 再煮意粉同笨元食, 食完柏仲一齊睇電視, 佢又好投入囉, 好搞笑! 9點K.O.咗佢, 到930K.O.埋子元, 我就邊打機邊等老公回來, 最終睇埋步步驚情先瞓呢!