23/5/15

23/5/15   SAT   RAIN

今日朝早揍埋子元柏仲咁返工, 因為老公要去銀行, 等佢搞掂D嘢先嚟接番佢地走, 星期六都係hea 過, 放工買埋KFC就返去, 因為雷暴子元唔洗踢波, 咁咪返去食午餐囉, 襯柏仲瞓咗快手食, 到佢醒咗就餵飯仔佢食囉, 然後齊齊揍子元返學校打乒乓球, 點知開始落雨喎, 老公已經先揍子元去學校先, 我拖住柏仲架車仔, 諗住撘lift上地面啦, 點知根本大雨到出唔到lift, 唯有調頭搬樓梯囉! 最慘係過碧海嗰段都係冇瓦遮頭, 等咗一陣都係等唔掂, 咪推住架車跑過去, 都真係幾濕吓! 之後完全冇停過雨, 夠鐘揍番子元就留咗喺碧海, 諗住食埋飯先返屋企, 本來去Mega box的計劃亦要取消! 問一問程生佢地過唔過嚟晚飯, 咁佢地咁啱出開街, 就渣埋車過嚟, 齊齊行吓先, 到7點多就去食蒸飯, 食完程生仲車我地返屋企呢, 快手KO哂佢地就可以休息了!