25/5/15

25/5/15   MON   HOT RAIN

今日係紅日, 額外休息一天! 阿媽話入去沙田同阿婆飲茶, 所以9點前出門口, 撘86入去都要大半個鐘, 其實都係阿婆想見柏仲啫, 我地好努力咁食嘢, 飲到11點幾, 喺商場比柏仲落地表演吓咁就閃了, 撘巴士出市中心, 本來諗住去IKEA行吓, 點知比人點咗撘lift, 結果由個尾行返上頭, 咩mood都冇哂, 本來想買嘢都冇買到, 落咗去行下面嗰兩層算! 子元係咁問幾時可以去玩佢D卡, 咁過到一田, 先知係咩鬼購物日, 人多到顛, 分頭行事, 老公陪子元, 我同柏仲去咗反斗城玩, 比佢周圍搞, 開心到佢呢, 等子元玩完卡, 本來想去行超市, 但人多到根本行唔到, 買咗吉士餅都走啦, 行返去撘MTR, 真係可以用幾經辛苦嚟形容! 終於返到美孚, 去食個tea先, 然後去咗759又顛咁入貨, 老公就去咗買定米線今晚食, 返去車輪式沖好涼, 老公捉咗柏仲入房瞓, 我就執一執D嘢啦, 柏仲到7點多先肯瞓, 咁我地快手整熱米線食啦, 本來諗住等我地食完就叫醒柏仲食架啦, 點知條友攰到抱佢出廳都冇反應, 咁咪由得佢瞓, 9:30K.O.埋柏仲, 就hea到咁上吓就瞓覺了!