21/5/15

21/5/15   THU   WARM

今朝柏仲一見老公起身出房, 唔係喊啦, 而係第一時間掟佢隻跳跳上我床再爬上嚟, 但比我捉番落床, 到差不多要起身時才比佢上來! 起身後梳洗出門口啦, 好在今朝都冇落雨, 但周圍都濕幾麻煩! 返上樓就餵奶摺衫啦, 搞掂出門口, 但今日架42勁晏, 8點半先到, 所以返得公司都9點幾! 今日全日都係到做自己嘢, 因為真係冇咩特別嘢做, 老細又唔係到, 真係free到有D sai時間! 午飯後睇電視, 跟住都係hea到夠鐘就放工啦, 返去接笨時幫媽又整部機過相嗰D, 叫咗子元唔好掂部電話, 叫極唔停我一火就星巴佢囉, 又喊又發老脾, 阿媽又係咁問電腦點樣, 若有卡通效果我嗰吓應該係著哂火! 總之最後我係到巴士站先同子元講嘢, 又係要用D極端例子先得! 返到屋企嫲嫲揍咗柏仲出嚟, 但柏仲瞓咗, 唔理佢住啦, 同子元沖好涼先叫醒柏仲, 好在老公都早返到, 咁子元又同佢玩吓咁, 都捱到食飯, 今晚食意粉, 子元最鍾意, 但柏仲就只食豆唔食粉! 食完洗好碗拖好地就幫子元睇功課溫英文, 餵埋柏仲食奶, K.O.埋子元就可以睇電視啦!