22/5/15

22/5/15   FRI   WARM**

今日好在朝早都冇落雨, 雖則遲咗起身, 但都趕得切出門口, 順利揍咗子元就返上樓餵奶摺衫等, 8點多出門口入嫲嫲到, 買埋早餐返公司都9點幾, 然後都係做吓自己嘢, 又要出吓卷比子元呢, 無聊吓又食飯啦, 下午繼續出卷啦, 因為要出中文卷都幾用神! 下午時段喺班group入面有家長開名叫另一個同學家長返去問吓小朋友發生咗咩事, 都未有人有太多反應後, 炮哥已經喺我地兩家人個私group講, 點解要開名等等, 又馬上講功課洗板灌水, 咁大家就講番專題要借書等囉, 放工即閃撘巴士去小童接子元的書包等等, 然後就行去圖書館借書啦, 全個一年級都要做專題時, 書好快就冇哂! 借完梗係馬上回家換裝啦, 因為又要出去接笨元佢地去泳池, 阿媽個洗衣機壞咗過咗嚟洗衫, 咁嫲嫲就乘機早D返屋企啦, 我執好嘢都閃了, 柏仲竟然喊喎, 可能得番個冇咁熟GE婆婆喺到, 不過老公返到去時話柏仲不知玩得幾開心! 6:40先去到小童諗住實遲啦, 點知仲未放, 可能下兩個星期有得表演掛! 放得換埋衫就去撘的士啦, 但呢D趕GE時候就冇的士架啦, 仲要係咁向前行, 要前過前面的人先上到車, 差D同人爭的士, 佢見我行佢又係咁行, 我想行前過佢上嗰架佢仲話我, 唔係帶住兩個細GE真係爆佢呀! 喺阿sir入去之前趕得到去, 咁我就諗住上看台睇吓書啦, 點知撞到嵐媽喺到喎, 咁又吹咗一個鐘水啦, 佢仲等子元佢地上水先一齊落去接, 見到子元今日可以唔用浮板游到吓啦, 真係好叻仔! 以佢咁怕水嚟講, 算係好大進步! 剛好程生渣車過到嚟接我地去番元州邨嗰邊食, 本來想試越南嘢, 但勁多人, 轉場去咗星仔記, 其實真係又抵食又好食架, 程生佢地本來都怕地方窄, 但食落已經覺得OK! 飯後各自回家啦, 佢地想屈蛇車埋我地, 但有巴士咁近都唔洗啦, 而家D蛇仔太大啦, 屈唔到! 返到去柏仲食完奶都瞓啦, 子元沖好涼就瞓啦, 佢話明天先做功課! 我地都睇完新聞就瞓!

<巴士站撞到彤彤好多次!>

<扮花扮可愛中!>