5/5/15

5/5/15   TUE   HOT

今日都係如常咁起身揍返學, 入嫲嫲屋企然後返工啦! 返到去都係做吓自己嘢, 上網吹吓水啦, 夠鐘又食飯啦, 下午老細返嚟就要幫佢pack嘢寄過去比佢老婆, 4點多佢就走啦, 真係! 返嚟食埋tea, hea吓就閃人, 返阿媽到同佢D花澆吓水, 執番D滅蟲器等, 由於唔想開電器, 所以我都係早D過去YMCA等子元放功課班算, 起碼有冷氣嘛! 7點多都放架啦, 但子元又要做埋默書改正先走得, 佢真係咩都慢D架! 今日程生嚟接, 等埋我地先一齊走, 又陪我地等埋巴士, 返到屋企都7:45啦, 老公都揍咗柏仲返嚟, 咁快手叫子元沖涼我就煮飯先, 8:30已經食完飯, 真係好快手呀! 叫佢兩個一個吸塵一個抺地, 咁起碼可以快D睇子元功課, 遲D等阿媽返嚟可以早D返屋企, 希望有時間每日溫一溫書, 否則大考唔知點死! 柏仲9點就扭瞓, 快手餵咗佢K.O.埋, 就叫老公處理埋柏仲, 我就可以沖涼等等啦! 睇吓電視hea吓又瞓覺啦!