26/5/15

26/5/15   TUE   RAIN黑

今朝揍子元校車時都算未落出雨, 咁返上樓後都OK, 柏仲食完奶摺埋衫, 佢就作疴屎, 但又疴唔出, 得半舊咁, 好辛苦咁幫佢接生咗舊屎出嚟都遲咗出門口, 但8:30前我已經落到巴士站, 都有諗過出去撘42A, 但勁大雨到根本好難撘小巴出去, 結果等到8:45先有42, 但天雨關係行得慢, 9:15先入得到青衣, 柏仲就喺車瞓咗, 疴屎疴到佢冇哂力! 入到去佢就醒咗, 不過我都勁黑仔架啦, 同個暴雨警告一樣黑! 兩個要撘lift的地方都壞淨一部, 跟住要巴士冇巴士, 因為離開青衣時又追車尾, 終於返得到出來都差不多10點, 仲要老細打過返嚟, 咁我what番佢咩事啦, 佢話我”又”遲到, 我真係忍唔住爆佢囉, 因為佢話我最近但最遲, 我咪話我要入青衣先再返來, 已經8點多出門口, 但又冇車又落狗屎又塞車囉, 佢仲叫我下次早D, 查實已經冇得再早囉, 一個有司機接送GE人, 點會明等巴士, 追車, 落大雨時仲要揍兩條細路出出入入的 FTM係點! 我覺得最PK係佢用個“又”字囉, 咁我準時返到嚟時, 你有冇用隻C眼睇清楚呀! 唉…搞到我火咗好一段時間! 返到公司咪做吓自己嘢囉, 要寫番幾日日記呢, 午飯落雨都要去買飯呢, 之後都係睇吓電視打吓機咁啦, 下午做吓公事又做吓自己嘢啦, 放工去接笨元, 婆婆話佢今日好乖喎, 不過返到屋企後, 我又變顛婆, 因為要煮飯, 柏仲又喺到, 快手趕笨元沖好涼後, 佢其實好乖咁做功課, 但做到唔識時, 其實佢問我冇錯, 只係柏仲又係到搞搞震, 我又煮緊飯, 變咗教咗幾次佢都唔明我就炆! 諗番其實佢都冇錯GE, 只係我忙緊, 真係分唔到身教佢! 到老公返咗嚟係教到佢, 但到柏仲係到喊, 因為daddy哥哥入哂房冇佢份, 食完飯K.O.咗柏仲咪叫老公教佢囉, 我就對埋其他功課, 再捉埋佢瞓啦, 打咗幾個鐘仗咁真係好攰! 打打吓機按按吓腳又喺梳化瞓鬼咗!