19/5/15

19/5/15   TUE   RAIN

今朝柏仲7點都唔起身, 冇辦法一定要叫醒佢, 唔通真係叫子元自己去撘校車咩! 今日我做一日FTM, 揍番柏仲上樓就摺好衫再執好嘢, 先出去麥記食早餐, 之後再去郵局幫老公寄信, 跟住去惠康買嘢後出嚟, 竟然落大雨喎, 柏仲見到雨就開心呀, 但我就頭痕啦, 終於轉番去撘巴士, 但一車都喺嘢又要摺車咁, 狼狽死我! 終於返到去, 無聊吓就整嘢煮飯仔啦, 點知行雷又嚇到柏仲喊, 一定要我抱住佢, 於是咪用揹帶揹住佢囉, 到12點左右扭瞓, 攰到冇哂力自己話要瞓就最快瞓著, 我可以hea吓, 食埋午餐先, 但就唔夠時間同子元出卷囉, 下星期中文進評呢! 柏仲醒咗就餵飯佢食, 仲矇矇吓咁就食完飯, 之後都係玩到夠鐘就去接哥哥放校車, 然後返上樓就係沖涼呀, 食tea, 做功課, 煮飯, 食飯, 洗碗抺地等等! 9點半已K.O.哂兩個可以hea, 舒服哂!