24/5/15

24/5/15   SUN   HOT RAIN

今朝兩隻細都好早起身, 子元會自己做功課, 都係為咗去街啫! 咁7點幾都起身啦, 要揍子元去畫班, 跟住一齊食埋早餐, 再行吓商場先囉, 喺惠康執咗D好抵的尿片, $2.5/4塊喎, 實在太抵, 跟住就撘車返去, 子元喺巴士瞓咗, 諗住佢返屋企再瞓架啦, 點知我廁所都未去完佢已經醒咗, 點掟佢入房都唔肯瞓, 由得佢啦! 老公12點多揍番子元返嚟佢就去踢波, 最慘係子元2點又要去踢波, 我要一揍二揍佢去球場, 又熱又想落雨咁, 好在程太之前話可以揍柏仲過去, 咁就過去托咗柏仲, 差不多夠鐘又要返球場接番子元, 老公都踢完波出嚟, 咁佢去買KFC, 我就揍咗子元去程太到沖涼, 喺佢地屋企hea, 因為勁大雨, 5點幾6點開始打暈柏仲先, 點都等佢瞓番個幾鐘, 等程生揍埋敏瑩返嚟, 7點幾就落樓下食晚飯, 然後過咗Aeon買風扇就回家啦!