20/5/15

20/5/15   WED  RAIN

今日都係如常揍仔返學同入青衣啦, 朝早都未落雨, 係返到公司後先開始落, 但全日都冇咩停過啦! 老細今日飛啦, 但上機前都仲係電話唔停, 睇在3星期見唔到佢份上就算啦! 上午都係做吓自己嘢hea吓啦, 午飯後睇吓電視咁, 下午sales返咗後都係開會啦, 雨愈來愈大, 到放工時叫做好D, 但返到媽到時又再大過, 咁揍住子元去撘巴士時就辛苦啦, 真係濕到上patpat呀! 上到巴士就冇咩雨喎, 真係吹漲! 返去沖好涼就煮飯同睇功課啦, 因為係咩學科學習周冇咩功課, 但佢做嗰D填顏色又搞咗好耐, 搞到我都冇時間幫佢溫書! 7點幾8點煮好飯老公都未返, 佢叫我地食先喎, 8點幾返到嚟就佢自己食啦, 我抱柏仲坐低時竟然扭到條腰, 真係超痛, 好多動作都發唔到力呀! 但都要洗埋碗, 餵埋奶, K.O.哂兩隻嘢, 老公就用暖水袋幫我敷, 又再搽埋藥咁, 但都仲係痛囉, 冇辦法啦扭親係要D時間好! 睇電視到11點就瞓啦!