今日都係如常返工返學啦,
今朝嫲嫲出嚟, 所以揍咗子元後返上樓都比較hea, 吸吓塵咁咋! 嚟到同佢地落去大快活買埋早餐我就返工啦! 返去都係做吓嘢吹吓水咁啦, 老細過咗大海, 唔洗見到佢真係好! 午飯去咗買, 又試嗰間日本嘢, 係唔會太飽但都幾好食! 下午都係做吓自己嘢啦, 話咁快又放工啦! 返去接笨元, 冇咩功課做, 又冇帶書溫, hea爆啦! 返到屋企奶奶同大包就閃了, 我一揍二仲要煮飯, 都幾係嘢, 不過只要將要求降低就得! 等老公返到嚟就開飯啦, 之後再分工收拾啦, 仲要睇一睇笨元功課, 9點幾諗住K.O.柏仲啦, 點知條友反常喎, 又喊住爬出嚟唔肯瞓, 於是叫老公打比嫲嫲, 問佢柏仲幾點瞓過晏覺, 原來4點瞓到6點才醒, 唔怪得唔肯瞓, 出出入入咗四五次, 奶奶又再打嚟問柏仲係咪未瞓, 咁我已經比柏仲激到火起啦, 咪有少少語氣唔好, 話咁晏唔好比佢瞓等等, 老公聽到我講電話就出嚟睇吓咩事, 我就叫佢聽, 我繼續入去打暈柏仲, 跟住就聽到老公同奶奶嘈啦, 終於再出入咗幾次柏仲終於肯瞓, 咁我咪打番比奶奶講番其實我求先唔係想話佢, 只係柏仲一咁樣我就撞火囉! 其實都有少少原因係因為又出去飲茶嗰D搞亂哂柏仲D時間架啦, 佢呢D人都係喺屋企對住四面牆好D!
沒有留言:
張貼留言