9/5/15

 

9/5/15   SAT   HOT

今朝柏仲又晨早起身啦, 我喺得星期六可以瞓晏少少咋嘛, 咁都唔放過我! 8點幾要起身啦, 搞到9點多先出到門口, 老公就揍柏仲入嫲嫲到, 然後同子元去剪頭髮, 所以我放工就入咗青衣, 奶奶煮咗飯嘛, 因為大包又喺青衣喎! 入去食完飯hea咗陣就走啦, 點知落緊雨喎, 咁都要走架啦, 柏仲好好奇落雨呀, 但我又要抱佢又要拿遮真係好攞命! 好在都好快有巴士, 出去小童入簽抽暑假活動, 跟住行過去荔天同老公會合, 子元去咗學乒乓球, 我地就去大快活食嘢, 柏仲都真係幾行得, 由小童行到宇晴軒, 8成都係佢自己行! 去到再食少少嘢啦, 跟住就去咗AEON買吓嘢, 夠鐘就去接番笨元, 但勁大雨囉, 所以買好嘢就一齊撘的士返去算! 沖好涼各自處理一個, 我都要同子元做好功課囉, 晚飯只係食麵同雞翼咋, 但老公都整咗好耐, 真係唔係好明佢點解要煮咁耐囉! 食完洗埋碗抺埋地就K.O.柏仲啦, 子元邊有咁早肯瞓不過都係hea多陣就瞓啦, 我地都係睇吓電視咁啦, 11點多就瞓!