17/5/15

17/5/15   SUN   HOT RAIN

星期日都係如常架啦, 子元要學嘢真係其他咩地方都唔洗去! 柏仲又係一早起身啦, 但都唔理得咁多照瞓, 7點幾走咗出廳瞓老公又由得柏仲走出嚟, 我真係頂唔順發顛! 老公先出嚟揍番隻嘢入去, 等我梳洗完先放佢出嚟, 然後齊齊出門口, 揍子元去食麥記及畫班, 同程生佢地一齊食埋早餐就閃, 我返美孚買餸, 柏仲竟然咁早眼瞓, 回程喺小巴上扭咗一陣…暈埋, 咁返到去都仲可以繼續瞓, 我就快手整好D餸摺好衫等等, 本來想出埋普通話卷比子元回來做, 但柏仲瞓咗個幾鐘就醒咗啦, 我想抖吓都冇機會, 先餵咗香蕉佢食, 再到點幾就食飯仔, 而家叻仔啦一食飯就知要坐high chair, 食完一齊玩吓lego咁啦, 我就睇Running man, 佢咪搗亂囉! 突然落大雨, 老公同咗子元去踢比賽嘛, 踢咗兩場都要腰斬, 5點多返到嚟, 一齊去大快活食個tea, 回家佢地三個沖好涼, 就同子元溫書, 同溫咗一個鐘左右, 完成哂就放佢去玩, 仲有砌吓robie咁! 8點左右我出去攞米線外賣, 廢事柏仲阻住佢地砌嘢, 我就推車仔推埋柏仲一齊出去, 點知條友已經眼瞓, 回程時喺車仔瞓咗, 返到屋企放上床繼續瞓, 我地可以安心食嘢, 邊睇電視邊食, 跟住10點前捉笨元瞓覺我沖涼, hea到12點多先瞓!