30/5/15

30/5/15   SAT   VERY HOT

天氣真係太熱, 不宜外出! 今朝柏仲又係晨早就起身, 爬上大床搞搞震令人冇得瞓真係好激氣! 差不多8點起身梳洗返工, 老公就等嫲嫲過嚟睇住兩隻細, 佢就去阿媽到幫佢睇個洗衣機, 然後返去揍笨元去踢波! 我放工就買午餐返去同嫲嫲食, 之後佢就返屋企, 我就同柏仲單打獨鬥! 一對一佢又冇咩GE, 係老公返嚟後, 我要同子元溫書咁, 佢就捉咗柏仲入房瞓, 不過溫到咁上吓我都好肚餓, 就叫醒佢食咗晚飯先, 柏仲都齊齊食咗壽司! 飯後再溫但個衰仔掛住睇電視, 總之就係冇心機激死我啦, 好在仲有明天時間溫, 否則我實對佢唔客氣! K.O.哂佢兩個我地都係睇電視hea吓, 老公要睇波, 我冇精神陪佢啦, 瞓先!