6/6/15

6/6/15   SAT   VERY HOT-

今日嫲嫲出嚟揍住仲仲, 因為老公帶咗笨元去足球比賽! 咁我地去大快活食埋早餐我先返工啦, 返到去勁努力出卷, 因為得一朝, 都只係出得切中文, 算係咁啦! 今日小一放榜, 識嗰D人都放得唔錯, 真係替佢地開心, 諗番一年前敏瑩佢地辛苦咗足足一個月呀! 放工返去會合老公佢地, 又係食大快活喎, 真係夠哂皮! 食完返屋企就等老公看住柏仲, 我同笨元溫書啦, 都溫咗個幾鐘先溫哂中文, 因為5點約咗去做職業治療, 咁溫完入咗房同柏仲玩吓, 4點多先出到門口呢, 好在去到上一手都未走, 咁笨元有笨元做治療啦, 柏仲有柏仲搗亂啦, 佢真係好搗亂架, 要睇住佢都好辛苦, 陸生掛住對住部手機, 唔喝佢都唔識幫手! 做完後治療師話基本上笨元已經進步到合適的水平, 我地KEEP住比多D本體覺的活動佢做, 佢就可以集中多D, 希望下個月見埋醫生, OK 就暫時可以stop了! 呢本年都洗咗好多錢呀, 但又冇得唔醫架嘛, 起碼知道咗方法原來又可以自己做的, 幾好呀! 完成了本來諗住返美孚先食嘢, 不過見有間食亞洲嘢價錢都OK就喺嗰到食埋先返去啦! 返去K.O.哂兩個老公就出去睇波啦, 我就冇得去呀….嗚! 一條友喺屋企睇吓電視睇到攰咪瞓囉!