16/6/15

16/6/15   TUE   VERY HOT

今日子元常識科參觀, 去荔枝角公園, 真係熱鬼死! 送咗佢校車就返上樓啦, 老公話佢揍柏仲入青衣, 咁我就送咗佢地上巴士我就食個早餐再返工囉! 今朝都唔算太忙GE, 都係正常做嘢啦, 午飯又要去買吓飯咁啦, 老細又好早返咗嚟, 可惡! 下午好忙碌咁, 因為兩個同事唔係到, 所以我又要幫吓手咁! 放工返青衣食飯, 好耐冇咁閒又有得食! 不過就為大包D事煩囉, 一句講哂, 兩公婆GE事, 唔應該煩到屋企人, 你話男家專制, 你何嘗又唔係不守本份, 佢根本唔明成家後就係要改變, 唔係做囡咁囉! 衰D咁講佢再咁落去真無藥可救! 食完飯子元又係咁睇i-pad, 都要我stop佢! 8點幾食埋西瓜飽飽啦, 返屋企後佢地沖哂涼啦, 老公又掛住睇波, 又話柏仲阻住, 咁你咪餵支奶掉佢入房瞓囉, 我涼又未沖咩都未搞, 你仲叫我開奶, 唔係嘛! 你自己成日出去踢波我一頂二要揹住柏仲做嘢都係咁啦, 比我安樂沖個涼都得掛! 沖完涼出嚟我冇嘢, 但佢有時都係唔體諒人, 都係掛住自己先! 教咗咁多年都係咁!