9/6/15

9/6/15   TUE   VERY HOT

今朝子元入到lift先見佢冇攞杯袋, 好在落到35樓見到月希媽, 交咗兩隻仔比佢後我馬上行返上去攞囉, 真係夠哂攰! 揍柏仲入去時, 佢又瞓咗, 梗係啦咁早起身! 返工追巴士追完真係落車都未回復番! 返到公司好好善用朝早啦, 因為老細今日返咗HK, 下午就返公司開會呀陰公! 朝早happy完, 食完飯睇睇吓電視佢地已經返, 下午真係開足咁耐會, 雖然只係sit吓我唔洗做紀錄但都夠皮! 仲可以偷雞同老公whatsapps, 講開佢先話, 佢公司今日問佢可唔可以減2K人工喎, 咁減咗得番10K唔夠, 梗係唔肯啦, 咁就即炒喎, 咩都唔洗賠, PK到呢! 樂觀D諗咪騫翁失馬囉, 呢份又返咁早又遠, 或者下一份仲好呢! 我放工返去揍咗仲仲先, 回家後媽仲同子元溫緊書, 搞到我又唔可以掉柏仲喺廳去沖涼, 今日又唔諗住煮飯, 結果要等子元溫完, 跟住叫媽睇一睇住佢兩個我快沖! 等老公回來就食米線啦, 8:30趕子元入房做常識, 但佢今日又唔係好合作咁, 等我K.O.咗柏仲就睇吓佢點啦, 常識卷都錯得多, 話佢知呢份錯唔緊要, 最重要係知錯咩明天正式唔好再錯等等, 但改正時佢又唔用心, 我已經火火地, 叫做同佢再溫番錯嗰D啦, 跟住發現佢咩都未執, 叫佢刷牙又慢吞吞, 我真係火起喺佢個表現表打X啦, 跟住佢更加唔做喎, 我咪又更火囉! 老公來調解後叫做做好嘢, 但我都把握佢瞓之前的時間要傾清楚! 咁佢都明咁GE, 放佢瞓都10點, 睇少咗半集劇啦, 可惡!