20/6/15

20/6/15   SAT   VERY HOT

今日係端午節, 本來諗住去敏瑩到游水, 但老公11點又話踢波, 之後又話陪嫲嫲去買餸, 今晚全部過來做節嘛, 但嫲嫲12點就過到嚟仲買好哂餸, 不過又唔好意思問敏瑩佢地可唔可以去游, 結果hea爆! 我今日心情都唔多好, 柏仲5點幾就醒, 之後我頂唔住出咗廳瞓, 但仲瞓到亂哂龍係咁發夢, 所以之後佢地出咗廳我又返番入房瞓, 瞓到差不多10點, 老公去咗炮哥到攞櫈返上嚟又要出去踢波, 我仲以為佢地買咗早餐返上嚟, 原來冇囉咁我咪煮麵一齊食囉, 食完玩吓啦, 不過我精神唔好已經心情唔好, 兩條友仔又係咁爭執, 諗住打暈柏仲啦, 係都唔肯瞓, 跟住奶奶過到嚟, 都係唔肯瞓, 仲第一時間同嫲嫲投訴添! 最終12點幾食咗支奶咪瞓囉, 咁老公點幾返到嚟, 本來想話叫佢買嘢返上嚟食, 佢又話等tea先去大快活食, 不過柏仲3點多才醒呢, 餓死我地! 食完去咗公園玩, 玩完去咗759 shopping, 回家後洗白白啦, 嫲嫲就開始煮飯, 6點幾7點大家陸續上嚟, 開飯食飯啦, 都幾忙亂, 好在之前已餵咗柏仲, 不過都唔放得佢落地, 一放佢又周圍爬, 食完都係分工執嘢洗嘢啦, settle完都9時多, 佢地都走啦, 柏仲都要食奶瞓覺! 今晚都早D瞓, 我已經好攰!