7/6/15

7/6/15   SUN   HOT

今日好悶呢! 朝早老公應該5點幾先入房瞓呢, 但我講明架, 朝早活動要照常架, 唔可以話你琴晚頂宵睇波今日可以休息! 子元同柏仲又係6點就醒咗, 所以其實我都冇咩好瞓過, 7點走去去廁所時, 就叫子元不如做咗份中文卷啦, 反正有排都未洗出門口, 咁我照瞓啦, 到8點起身啦, 梳洗好叫佢都梳洗, 又要出去畫班啦! 然後同程生佢地食早餐, 再齊齊行吓商場等夠鐘, 再去咗文具鋪入吓貨! 柏仲路程上瞓咗, 接咗笨元就回家啦, 柏仲又唔多肯瞓番, 我唔理啦交比老公先, 同笨元review番中文卷, 咁之後都冇再溫, 大致上佢都已經識架啦, 最終都要睇臨場發揮, 呢樣冇得幫! 12點幾笨元又出門口去踢波, 柏仲唔肯瞓嘛咁我就整番熱D飯仔比佢食, 然後都係睇吓電視又玩吓佢咁啦, 玩具佢一向都唔多鍾意玩, 係鐘意周屋搞! 今集running man 幾好睇, 笨元踢完波返嚟都三點幾四點, 沖好涼食咗D嘢, 老公話佢講過比我聽佢去踢波喎, 我真係冇印象囉, 咁就死火啦, 柏仲又唔肯瞓, 子元又要溫書, 我個人即刻灰哂, 完全諗唔到點做, 嘗試餵柏仲食奶後放佢落床, 但過咗一陣佢已經走出嚟, 咁我就喺發火中同子元溫書啦, 將對老公嗰陣火氣發哂落柏仲到, 條友又唔知咩事咁, 繼續笑笑口, 你真係比佢激死! 混亂間溫哂英文啦, 又唔知再點同佢溫中文啦, 就放佢去玩啦, 想煮飯又冇料, 求奇煮咗d飯仔, 炒咗d麵, 但個飯仔真係適合柏仲食咋, 條友攰到暈暈吓啦, 好在之前同佢沖好涼, 咁食完等我洗好嘢抺好地就比支奶打暈佢, 我先可以安心地沖涼! 等老公買嘢返來食, 我地就睇吓電視咁囉, 考試考到咁FREE都算係咁, 食完嘢趕佢入去瞓啦, 我地睇埋電視11點幾都瞓!