10/9/13

10/9/13   TUE   HOT

今日都係如常咁揍笨元返學啦, 兩個都唔願起身, 浪費哂我D時間叫佢地! 返到學校都係咁啦, 唔洗排隊就入去仲好, 跟住返工買早餐啦, 點知行緊返去時喺街遇著個傻婆, 無端端鬧人喎, 佢係一路見人就鬧, 無端端比人鬧真係呆咗囉! 返到公司都係做吓自己嘢啦, 或者係唔願做公事咁啦! 午飯都係睇吓電視咁啦, 下午老細返咗嚟, 但真係冇咩找佢, 點都要搵D嘢出嚟比佢望吓, 等佢唔好以為我冇嘢做咁囉! 放工就返青衣啦, 笨元又係一返嚟就要我陪佢玩, 但到食飯時就攰又話唔食, 梗係啦食咗兩個奶黃月餅, 邊食得落飯呀! 仲要食埋生果後趕唔切7:50班車, 要撘42A就等到眼瞓, 行返去時行到體育館已頂唔順, 要抱啦! 返到去用扭蛋先整得醒佢沖涼, 仲可以溫埋書先瞓, 算係咁啦! 老公就話要睇埋哂D恐怖片, 其實都冇幾恐怖, 又係爛片一部! 不過睇完要睇吓其他嘢平衡番嘛, 就十二點幾先瞓囉!