2/9/13

2/9/13   MON   HOT

今朝真係唔多記得係嫲嫲出嚟揍笨元定點, 到佢出到嚟先記得, 仲有今晚嫲嫲出去WET, 咁就問我要買咩餸啦! 快手返工啦, 帶埋早餐返去食, 食得嚟寫埋BLOG咁, 都係上吓網啦! 午飯又要落去買, 簡單地食咗意粉咋, 然後都係睇吓報紙吹吓水咁啦! 下午老細返咗, 勁嘈囉, 係咁過嚟講嘢, 煩鬼死! 到四點幾五點先捨得走, 好在都叫做有D嘢做吓時間先冇咁難過! 放工後就返去啦, 笨元仲瞓緊, 奶奶已經即閃去街街啦! 我就沖咗涼先, 然後預備晚飯D嘢, 其實奶奶都整好哂咁滯, 我只要煮飯, 蒸肉餅, 煎雞翼就得啦, 笨元差不多7點先起身, 陪佢玩咗陣老公返, 佢沖涼時就要笨元自己玩, 我要整好埋D嘢先有飯開! 食完洗埋碗有得休息啦, 之後同老公係到討論將來傢俬點擺放, 笨元竟然肯自己執好哂D玩具, 原來係想玩電腦, 咪比佢玩陣, 九點半就捉佢入房瞓啦, 知佢唔眼瞓GE, 但都要瞓架, 明天要返學啦! 我地就勁無聊咁喺國泰假期個網search吓新加坡自由行D package, 都要萬幾蚊呢, 真係唔知出年有冇能力去到呢, 不過search吓都好啦, 到時再算! 之後唔係好眼瞓, 睇埋步步驚心先瞓, 都睇第3次啦, 我又喊, 老公就係咁喺到笑我, 好衰架!