6/9/13

6/9/13   FRI   HOT

又到星期五啦, 不過都冇咩特別感覺, 起身後都係趕佢兩隻嘢起身啦, 真係叫極都唔郁, 叫極都慢, 激死我! 返到學校交埋錢就撘車返工啦, 買咗早餐返得去食埋咪又係寫吓日記咁囉, 都真係幾悶吓! 總監返咗嚟, 都要做吓公事的! 午飯去咗買玉子將軍漢堡餐, 好滿足呢! 下午都係悶啦, 老細淨係返嚟簽一簽嘢就走, 最好不過啦! 放工就先返屋企, 嫲嫲同咗笨元去wet, 仲遲過我先返到去屋企, 叫笨元換好衫, 我就睇吓佢D功課, 可能今個星期冇咩教, 所以喺學校已做哂功課, 咁未夠六點半老公已打嚟, 於是出門口, 撘的士過去喺吉之島會合啦! 初頭笨元又話眼瞓架, 但我話眼瞓咁今晚唔好睇衝上雲霄, 佢又即刻話唔眼瞓, 頂佢唔順! 先食咗嘢先, 跟住去買雪櫃, 最終就係買咗西門子嗰個, 月供$322都好啦, 本來奶奶個朋友話要我地舊雪櫃, 又話唔要啦喎, 老公話咁早知唔買啦, 不過都比哂錢囉, 唔算可以點呢! 去買埋筆袋同笨元睇埋玩具就回家了! 沖完涼執吓嘢又睇吓衝上雲霄咁, 都冇坐定定睇, 笨元其實都攰啦, 但又係都要睇埋先! 佢近來太迷電視, 衰到係只要有電視聲就好似定咗格咁, 要諗吓辦法先! 佢瞓咗我地HEA多陣都瞓啦!