5/9/13

5/9/13   THU   RAIN

今日d雨真係未停過, 只係大同細ge分別! 朝早如常揍笨元返學啦, 好在等咗陣都有車, 都算準時返到去啦, 不過之後又同Apple吹水吹到差不多9點先走, 買埋早餐返公司食啦, 寫吓日記咁做吓自己嘢, 時間過得好快! 因為下午要去瑪嘉烈產檢嘛, 所以1點就閃人啦! 返咗屋企煮嘢食, 執吓屋整吓嘢又兩點幾, 落得去等車都差不多, 不過等咗10分鐘都係FULL冇位, 老公話佢返咗屋企, 咁就等埋佢先撘的士, 上到去差不多時間啦, 明明坐咗15分鐘, 血壓都係高, 足足量咗3次先有張似D樣, 可以交到差, 用埋自己部機量都係高, 即係部機冇壞, 係個人壞啦! 等咗大半個鐘終於有得見醫生, 今次係男醫生, 佢好似有D求奇, 摸咗肚SIZE同聽咗心跳, 我話佢知之前個胸痛佢都冇咩理咁, 要我講多幾次先答! 等就大半個鐘, 見就幾分鐘! 4:10走得, 仲趕得切去接笨元放學, 笨元個樣好驚喜呢! 撘地鐵去奧海城, 先買咗白鞋, 笨元話頂腳嘛, 跟住去反斗城找禮物比希琳, 選咗好耐呢, 笨元又要睇玩具, 其實睇咗大半個鐘啫, 但我條腰已經好攰! 終於買咗巴比, 減咗價都要接近$200, 老公話上次佢送子元嗰份都唔平架! 跟住就去食晚飯, BOOK咗位食德國嘢, 嚟到呢到就好想食呢間, 尤其上次食過嗰個ham的拼盤, 笨元食到幾踴躍! 我都食到好滿足, 去睇埋豐澤的雪櫃格吓價就撘巴士返去, 快手沖涼K.O.笨元休息啦! 我地都睇咗陣新聞就瞓啦!

<豐富晚餐!>