1/9/13

1/9/13   SUN   HOT

今日都係hea過, 瞓到十點多笨元已經入咗嚟N次, 唔起身唔得啦, 老公話出去食早餐, 順手買埋餸, 咁咪出去食囉, 去咗街市唔算買咗好多嘢, 反而係759買得仲多, 跟住回家啦, 都係執屋執屋同執屋, 一星期執一次架啦, 點解仲可以咁亂, 因為另外嗰兩條友冇手尾囉, 執死我! 兩點多老公捉咗笨元入去瞓, 但佢自己瞓咗笨元都未瞓仲走咗出嚟, 係比我趕番入去瞓! 到我打掃到尾聲時, 老公仲未捨得落去銀行轉錢, 係要等笨元醒咗佢先落去, 笨元一心諗住瞓醒就玩大富翁架嘛, 結果又要等, 我就叫佢預備定等daddy返嚟咪可以玩囉, 我就想試吓整涼伴茄子, 於是叫老公買少少配料! 最終五點多我地先開始玩大富翁, 玩到七點多老公先開始煮晚飯, 其實都幾好玩, 笨元又玩到好搞笑咁, OK架計吓數! 老公煮飯時我就沖涼先啦, 今晚咁多電視睇! 食完洗埋嘢其實已經做緊掌門人, 不過最估唔到係港姐做得好好睇喎, 之後陪老公睇完波, 又再睇吓電視咁, 點幾先瞓!