31/5/15

31/5/15   SUN   VERY HOT

今日除咗去送子元畫班出去食早餐外, 買埋餸, 返咗屋企就冇再出去了, 實在太熱了, 加上柏仲又鼻水流流, 麻煩! 返到屋企都知佢冇咁早瞓, 於是照煮咗飯仔先, 到11點幾12點終於攰啦, 噯佢一陣就瞓! 我終於可以休息吓, 不過要先出咗卷比子元做, 點幾二姑姐上咗嚟攞嘢, 比佢偷望吓柏仲, 點知臨走時柏仲醒咗, 不過我見佢個勢係仲想瞓, 於是照噯吓佢, 放番入房又瞓番, 可能比咗D傷風藥佢食係想瞓D! 到running man開場時就醒啦, 於是咪餵佢食飯囉, 慢慢先醒, 食完由得佢玩吓, 老公帶笨元踢埋波回來都四點幾啦, 等佢沖好涼食D嘢休息吓就溫書, 今日冇嘢分心咪快手囉, 跟住我要襯老公出去前預備哂煮飯D嘢, 沖埋涼先, 到7點幾先餵咗柏仲食飯, 再煮意粉同笨元食, 食完柏仲一齊睇電視, 佢又好投入囉, 好搞笑! 9點K.O.咗佢, 到930K.O.埋子元, 我就邊打機邊等老公回來, 最終睇埋步步驚情先瞓呢!

30/5/15

30/5/15   SAT   VERY HOT

天氣真係太熱, 不宜外出! 今朝柏仲又係晨早就起身, 爬上大床搞搞震令人冇得瞓真係好激氣! 差不多8點起身梳洗返工, 老公就等嫲嫲過嚟睇住兩隻細, 佢就去阿媽到幫佢睇個洗衣機, 然後返去揍笨元去踢波! 我放工就買午餐返去同嫲嫲食, 之後佢就返屋企, 我就同柏仲單打獨鬥! 一對一佢又冇咩GE, 係老公返嚟後, 我要同子元溫書咁, 佢就捉咗柏仲入房瞓, 不過溫到咁上吓我都好肚餓, 就叫醒佢食咗晚飯先, 柏仲都齊齊食咗壽司! 飯後再溫但個衰仔掛住睇電視, 總之就係冇心機激死我啦, 好在仲有明天時間溫, 否則我實對佢唔客氣! K.O.哂佢兩個我地都係睇電視hea吓, 老公要睇波, 我冇精神陪佢啦, 瞓先!

29/5/15

29/5/15   FRI   VERY HOT

朝早要揍兩件又要趕時, 真係會好燥, 加上天氣熱, 真係好攞命! 不過撘42就因為有嗰個apps可以預到時間撘巴士就叫做輕鬆D! 買埋早餐返公司啦, 都係做吓自己嘢又吹吓水咁啦, 老細冇千里傳音嘈住哂, 可以舒服D! 午飯時過埋AEON嗰邊訂埋部洗衣機, 買咗壽司返嚟食! 下午都係hea啦, 真係諗唔到有咩好做, 或者係唔願做, 只係寫咗柏仲的成長記錄, 放工返美孚買番D日常用品, 都抬到我隻嘢咁, 嫲嫲揍咗仲仲出嚟, 咁我買完返去仲可以沖個涼先, 跟住出去茶餐廳會合, 程生嚟唔到食飯, 得程太帶埋婷婷來, 食完就去小童睇佢地合唱團表演啦, 笨元又係唔多跟到, 因為上堂時成日唔專心, 歌詞又背唔到, 動作又跟唔到, 都唔知佢學咗D咩! 柏仲瞓咗冇睇表演, 不過尾聲時醒咗, 但可能發現自己唔知去咗邊又冇哂識GE人喺身邊咁, 嚇到硬哂呆哂, 陰公豬囉! 唱完歌仲有表演同抽獎, 搞到9點幾先走得, 去麥記快吃後就回家, 笨元索鼻索到又咳又嘔, 不過因為太夜, 冇時間陪佢慢慢行, 於是分頭行事, 我同柏仲快手返去沖涼食奶瞓覺, 老公搞掂笨元, 嘔完返嚟沖好涼食埋藥等等就瞓啦, 我地又要等機衫洗好先瞓, 但老公按錯制, 等到1點我等唔到啦瞓先!

 

 

 

 

 

28/5/15

28/5/15   THU   VERY HOT*

今日試吓用九巴個apps查定42幾時有車, 都算work喎, 因為班車都係遲咗7分鐘, 算係咁! 冇落雨真係準時D! 柏仲喺車瞓咗, 有冇咁眼瞓呀, 揍到佢比嫲嫲佢都仲瞓緊! 買埋早餐返公司食啦, 快手做好自己嘢, 因為11點幾又要出門口, 過商會做嘢, 不過先食個飯啦! 返去寫票寫嘢都做咗個幾鐘, 2點幾3點等齊人開得會啦, 大家都想快D開完就走, 我老細就係咁whatsapps我, 煩到你死! 3點幾走人啦, 入青衣接仲仲, 但仲仲剛瞓醒, 仲要等嫲嫲餵埋佢食粥先, 所以都5點先走, 仲要出番長沙灣接子元, 柏仲又好乖咁撘巴士啦, 落車又拖住行到去婆婆到, 接咗子元都快手返去啦, 不過佢可能喺學校濕哂底衫, 攝親吓係咁索鼻, 真係比佢激死! 先返屋企沖個涼, 抖一陣又要出門口, 因為想去AEON嗰邊買洗衣機, 不過行到半路好肚痛, 都頂唔到去AEON就要找廁所, 帶埋兩隻豬入去, 快去解決住先, 叫做舒服番D! 搞到食嘢時都冇咩胃口, 子元食飽就要求上去玩fuger機, 我地都好大膽咁比佢自己去, 我地就食完埋單先去望吓佢, 然後又去睇洗衣機, 最終睇中咗一部架, 但冇現貨要明天才覆! 咁就算啦, 接番子元就撘的返屋企! 沖好涼出嚟柏仲已被K.O.咗, 跟住又要睇子元功課, 係咁二溫咗吓書就比佢瞓, 之後老公話要用香薰油按摩, 咁我梗係要佢之後幫我按番架啦, 睇吓電視咁又夠鐘瞓覺!

27/5/15

27/5/15   WED   RAIN HOT

今朝已經早咗出門口撘42啦, 但等到8:35先有車, 可惡! 落雨仲要抱住佢真係手都軟! 揍到佢入去又快手撘車返工啦, 又大雨又要等車, 陰公! 買個快早餐返公司食啦, 之後都係做吓自己嘢, 無聊吓等食午飯! 之後都係睇電視啦, 奇怪的保姆開始入肉好睇啦! 下午都係做自己嘢, 查實都幾悶吓! 放工前食個豐富TEA, 接咗子元就快手去撘巴士, 試吓個APPS係咪真係咁準時, 又真係OK喎, 6:20就返到屋企了, 快手沖好涼, 叫佢執好功課, 然後咪比佢玩lego, 我就煮飯囉, 老公入得去揍柏仲返來都8點多, 所以食得飯洗得碗嚟已經9點, 快手K.O.咗仲仲就同笨元溫陣英文oral, 真係超唔掂! 得番幾日睇嚟要惡補同比D tips佢點做! 休息到咁上吓叫老公乾衫時先發覺, 洗衣機壞咗, 整咗一輪, 叫做洗得埋呢次, 但都要買架啦, 明晚馬上去AEON買啦, 好在都仲頂到呢次啫! 搞掂機都12點多, 快手瞓覺!