1/11/15

1/11/15   SUN   WARM

今朝4點幾柏仲竟然逃過我個關卡上咗大床, 老公仲摸到佢又燒番, 於是馬上比次退燒藥佢食, 但食完佢又唔肯瞓番, 都比我鬧咗陣叫做肯收聲, 我都可以瞓番一陣, 到6點幾7點又要起身, 後來我已經冇力理佢, 佢話要睇電視就開比佢睇, 8點前再起身又要去學畫班, 食早餐時仲仲又扭, 比我的咗出餐廳訓話, 好似有少少用咁啦! 食完本來去元州商場行吓, 點知老公話肚痛, 想返屋企疴, 但我叫佢你不如上阿媽到仲快啦, 結果得我同程生喺到行超市, 我都買咗少少嘢, 用嚟整飯比子元用, 到差不多放畫班佢本來都係想返屋企先, 但最終我都係叫佢過咗嚟先, 因為未交學費! 另外因為程生借電話卡比佢, 咁我叫佢都係上咗去攞咗先, 佢又話之後出發前先去攞, 但6號巴士又勁耐先有車, 所以我叫不如撘的士啦! 咁返咗屋企佢休息吓, 11點幾就要出門口了, 我好傻咁佢一出門口又係到喊, 子元好識安慰我, 問我係咪太掛住Daddy, 佢都好明白呀! 今日得我同佢兩隻嘢博鬥啦, 先打暈咗仲仲, 同子元溫咗一陣書, 就叫佢去瞓覺先, 因為佢食咗藥, 係要瞓吓! 佢兩個瞓哂我就整吓D餸, 都唔算太多自由時間後柏仲就醒咗, 先比番淨下嗰少少粥佢食, 等子元醒埋就整烏冬一齊食, 佢就掛住睇電視食得好慢, 要趕佢去做埋份數學卷, 然後就一齊去遊樂場玩咗大半個鐘, 回來沖好涼都係6點咋, 決定早D煮好飯食, 未夠8點已經食完, D時間過得好慢, 終於到8點幾K.O.咗柏仲先, 等我沖完涼陪子元一陣, 到佢瞓埋我又要摺衫啦! 老公9點多落咗機去到酒店啦, 安頓好我地都係11點幾就瞓啦, 真係好唔慣呀!