24/11/15

24/11/15   TUE   HOT

今日柏仲選擇唔起身住喎, 咁我可以靜靜地去熱番個飯比子元帶飯, 再叫佢起身梳洗出門口, 又要咬住個包嚟行! 返到上樓柏仲啱啱醒咗, 叫我開奶佢食, 今日嫲嫲出嚟, 我就摺吓衫咁先囉, 嫲嫲嚟到接更就買早餐返工啦, 今朝都唔算好忙, 不過11:30要過到工展會開會, 所以11點未夠就要行, 往年一向係4點幾嗰轉架嘛, 攞完嘢就行得唔鬼聽架嘛, 但呢D時間又冇得早走, 咪聽陣囉, 今年都有D新嘢要聽吓, 12點幾閃了, 返去食飯睇電視呀! 下午又要開會又要做工展D嘢, 超充實! 放工就回家, 返去時笨元仲做緊功課, 佢幾驚我鬧佢因為佢瞓咗未做哂, 所以喊, 嫲嫲安慰佢話只要你快D專心做, 媽媽返嚟見到唔會鬧你, 咁佢先安樂D! 所以我返去沖咗涼先, 陪陣柏仲, 等子元做完就同佢對吓功課先, 食完飯K.O.咗柏仲後再對再溫書, 9點幾10點前已瞓到, 我可以hea吓啦! 老公去咗踢波, 10點幾到先返呢!