20/11/15

20/11/15   FRI   WARM

今朝本來諗住自己整子元個午餐盒, 點知柏仲起咗身, 咁整到一半馬上叫老公起身整埋下半場, 我要搞掂仲仲, 又要叫笨元起身, 叫Daddy一齊揍笨元落去啦, 校車馬上到又齊人馬上走啦, 返上樓後就執嘢過嫲嫲到, 然後買早餐返工啦! 都係做吓公事又做吓私事啦, 午飯後好忙, 買手食咗個米線就過學校交番張支票去飯堂, 見到笨元呢, 佢應該食完架啦, 係到飲緊水, 所以我交完票佢都唔見鬼咗, 反而就同子慧吹咗陣水! 跟手又趕住去買今晚的餸, 去到惠康竟然冇哂一字骨, 諗到頭大應該點好時, 決定去另一邊間超市博一博, 好在買到, 再買埋其他配料就快閃返公司, 趕得切2點前, 好在老細今日冇返, 唔洗驚! 下午都係hea吓啦, 到放工就返屋企樓下買埋D麵呀飲料呀等等, 搬埋返屋企就落去接佢地啦, 都順利地揍咗佢地去泳池, 然後就返屋企整嘢, 今日只係主力煮肉骨茶都方便GE, 仲沖得切涼, 上到來忙忙亂亂咁開飯啦, 不過先K.O.咗柏仲先, 打邊爐真係可以吹好耐水, 吹到10點幾先執嘢, 跟住又切蛋糕呢, 慶祝婷婷生日嘛! 所以執埋嘢散場已經11點幾! 又要幫子元換床單喎, 因為佢地喺床玩, 仲要搬D紙箱上去玩, 夠哂dirty呀! 搞得嚟佢12點多先瞓, 真係比佢激死! 我都超攰, hea咗一陣都冇就喺梳化瞓咗!